Shoqërohet në polici 15-vjeçari
Një konflikt në familje ka përfunduar në përdorimin e armëve në qytetin e Vlorës pasi një 25-vjeçar është plagosur me pistoletë.
Sipas policisë, i plagosur ka mbetur Xhuliano Muçaj, ndërsa autori dyshohet se është kunati i tij, 15-vjeçari me inicialet E.K.
Ky i fundit dyshohet se ka qëlluar dy herë mbi të riun me armën e babait të tij, i cili është punonjës i paraburgimit të Vlorës.
Për ngjarjen janë shoqëruar në komisariat babë e bir, ndërsa i plagosuri ndodhet nën kujdesin e mjekëve jashtë rrezikut për jetën.
Tv Klan
