Një person është plagosur me thikë mbrëmjen e sotme në qytetin e Durrësit. Ngjarja ka ndodhur në afërsi të ish lokalit Drenica, në lagjen Nr.13, rreth orës 18:40, ku i plagosur ka mbetur 42-vjeçari me inicialet H.K. Konflikti ka qenë midis dy personave me inicialet A.K. -36 vjeç dhe E.P. 22- vjeç, banues në Shijak me pronarin e lokalit, me inicialet D.B.
Në momentin që ka ndodhur konflikti, në ambientet e lokalit ka qenë i pranishëm si klient edhe shtetasi H.K., i cili ka tentuar të qetësojë situatën, por fatkeqësisht është plagosur.
Disa orë pas ngjarjet është bërë i mundur dhe arrestimi i autorëve, A.K. dhe E.P., të cilët sipas policisë kanë lidhje familjare me njëri-tjetrin, janë dajë dhe nip.
Sipas burimeve të policisë bëhet me dije se 42- vjeçari ndodhet në Spitalin Rajonal Durrës jashtë rrezikut për jetën./tvklan.al
