Presidenti Meta: Zbrazja e Shqipërisë rrezikon të kthehet në një fatkeqësi kombëtare



Presidenti Meta: Zbrazja e Shqipërisë rrezikon të kthehet në një fatkeqësi kombëtare

08:41 30/04/2021

Presidenti Ilir Meta teksa ka publikuar një studim të Institutit për Studime Politike Ekonomike Ndërkombëtare të Vjenë, kërkon reflektim dhe zgjedhje konkrete për ndalimin e largimin e shqiptarëve nga vendi.

Në një postim në mediat sociale, kreu i shtetit duke cituar raportin shkruan se “nga viti 2010 deri në vitin 2019 janë larguar nga Shqipëria rreth 500 mijë qytetarë, disa herë më shumë në krahasim me Serbinë, Malin e Zi, Bosnjë-Hercegovinën, Maqedoninë e Veriut dhe Kosovën”.

Po ashtu ai paralajmëron se me këto ritme të largimin zbrazja e Shqipërisë rrezikon të kthehet në një fatkeqësi kombëtare.

“Ndalimi i shpopullimit të Shqipërisë, dramës më të madhe që i ka ndodhur vendit dekadën e fundit, është sfida më e madhe, që kërkon reflektim urgjent dhe zgjidhje konkrete. Sipas Institutit për Studime Ekonomike Ndërkombëtare të Vjenës, nga viti 2010 deri në vitin 2019 janë larguar nga Shqipëria rreth 500 mijë qytetarë, disa herë më shumë në krahasim me Serbinë, Malin e Zi, Bosnjë-Hercegovinën, Maqedoninë e Veriut dhe Kosovën.

Me këto ritme dramatike zbrazja e Shqipërisë rrezikon të kthehet në një fatkeqësi kombëtare. Adresimi i menjëhershëm i këtij fenomeni është emergjencë dhe çdo neglizhencë e mëtejshme do të kishte pasoja katastrofike.🇦🇱“, është ky reagimi i Presidentit Ilir Meta./tvklan.al










Të ngjashme