Ambasadori i BE-së në vend, Samuel Žbogar është mysafiri i parë i Presidentit, Stevo Pendarovski. Ambasadori Europian i përcolli Presidentit urimet nga Presidenti i Këshillit Evropian, Donald Tusk dhe Presidenti i Komisionit Europian, Jean-Claude Juncker. U bisedua edhe rreth vizitës së parë zyrtare të Presidentit në Bruksel.
Samuel Žbogar, ambasador i BE-së në Shkup :
E vlerësoj shumë mesazhin e dhënë nga Presidenti gjatë ditës së djeshme, për pajtim, zgjatja e dorës drejtë opozitës me qëllim që të bashkohen të gjitha forcat politike për të ecë para. Jemi të inkurajuar nga mesazhet e tij.
Në seancën e inaugurimit ishin të pranishëm deputetët e opozitës, por edhe sot, vazhdoi debati se a është ftuar apo jo kreu i opozitës në inaugurimin e Pendarovskit.
Naum Stoilkovski, zëdhënës i VMRO DPMNE-së:
Deri në momentin e ceremonisë ftesë nuk ka pasur për kreun e opozitës dhe liderin e VMRO DPMNE-së, Hristijan Mickoskin. Të paftuar nuk shkojmë askund.
Nga Kuvendi thonë se nuk ka qenë praktikë asnjëherë në të kaluarën që të ftohen lider të partive politike. Në ceremonitë e inaugurimit të Ivanovit në 2009-tën, nuk ishte prezent kreu i opozitës, e në 2014 fjalimin e Ivanovit nuk e dëgjuan as deputetet e opozitës, por as BDI-ja.
Tv Klan
