Primaret e Partisë Demokratike në Bashkinë e Tiranës nuk kanë ende një emër fitues pasi 2 kandidatët Belind Këlliçi dhe Ilir Alimehmeti kanë shkuar në një balotazh që do të mbahet më 11 Dhjetor.
Në një deklaratë për mediat, kryetarja e KOKOE, Albana Vokshi ka bërë të ditur se Belind Këlliçi ka marrë 4040 vota, ndërsa Ilir Alimehmeti ka marrë 2196 vota.
Vokshi thekson se duke qenë që asnjëri prej 7 kandidatëve nuk ka marrë 50 plus 1% të votave dhe kjo e çon garën në një balotazh mes Këlliçit dhe Alimehmetit që është caktuar nga kryesia e PD-së me datë 11 Dhjetor.
Albana Vokshi: Numri total i votuesve që kanë votuar për primare në Tiranë është 8470. Vota të vlefshme – 8441. Vota të pavlefshme – 29.
Adriana Kalaja – 128 vota.
Belind Këlliçi – 4040 vota.
Enkeleida Fejzo – 66 vota.
Fatmir Merkoçi – 35 vota.
Gert Bogdani – 1819 vota.
Ilir Alimehmeti – 2196 vota.
Julian Deda – 157 vota.
Nga përllogaritja, rezulton që asnjëri prej 7 kandidatëve nuk ka marrë 50 plus 1% të votave dhe kjo e çon garën në një balotazh mes Belind Këlliçit dhe Ilir Alimehmetit. Balotazhi me vendim të kryesisë është caktuar për 1 javë, më 11 Dhjetor./tvklan.al