Dëgjon nga afër përvojat dhe sfidat me të cilat po përballen në Britani
Princi William vizitoi refugjatët e evakuuar së fundmi nga Afganistani për të dëgjuar nga afër për përvojat e tyre.
Princi mbërriti në Leeds në veri të Anglisë, për një vizitë të papritur për të parë nga afër komunitetet mikpritëse dhe të ndryshme në Britani që janë bashkuar për të ndihmuar të tjerët, tha zyra e tij në Pallatin Kensington. Në Shtator, Dukesha e Kembrixhit, Kate Middleton u takua dhe nderoi disa nga ekuipazhet e RAF-it, të cilët ishin ndër anëtarët e shërbimit që ndihmuan transportimin e mijëra afganëve në Britani të Madhe në vazhdën e pushtimit të vendit nga talebanët.
Një rol kyç për familjen mbretërore është uniteti në të gjithë Mbretërinë e Bashkuar dhe mbështetja e atyre që bashkojnë komunitetet.
Princi William ka biseduar me refugjatët, disa të ardhur së fundmi dhe të tjerë që kanë qenë në Britani për disa vite për të mësuar për përvojat e tyre dhe për sfidat me të cilat janë përballur ndërsa rindërtojnë jetën e tyre në Britani.
Klan News
