Kreu i Vetëvendosjes merr mandatin e qeverisë së re
Presidenti i Kosovës, Hashim Thaçi dhe kryetari i Lëvizjes Vetëvendosje, Albin Kurti pritet të takohen sot pas ftesës së tretë të kreut të shtetit për formimin e qeverisë së re.
Kurti i refuzoi dy takimet e para të thirrur nga Thaçi në Dhjetor ndërsa u shpreh i hapur për një takim pas vitit të ri.
Ishte vetë Kurti që përcaktoi 6 Janarin si datë të marrjes së mandatit për krijimin e qeverisë.
Thaçi e pranoi dhe takimi pritet të mbahet rreth orës 15:00 në selinë e Presidencës.
Takimi vjen në një moment kur mes Vetëvendosjes dhe Lidhjes Demokratike të Kosovës nuk ka ende një marrëveshje për të qeverisur së bashku.
LDK mbledh sot strukturat e partisë për të përcaktuar qëndrimin që do të mbajë në negociata.
Tv Klan
