Problemet e gjumit të fëmijëve dhe dëmet që ato shkaktojnë

Bad Dreams

Problemet e gjumit të fëmijëve dhe dëmet që ato shkaktojnë

14:07 05/08/2020

Pavarësisht nëse fëmijët kanë ose jo probleme me gjumin që nga lindja, një studim i ri ka zbuluar që shqetësimet e gjumit në çdo moshë shoqërohen me probleme të ndryshme, në periudhën kur fëmijët janë 10 ose 11 vjeç.

Studiuesit në Spitalin e Fëmijëve të Filadelfia zbuluan se prindërit duhet të kontrollojnë  fëmijët për problemet e gjumit në çdo moshë dhe të ndërhyjnë kur identifikohet ndonjë problem i gjumit.

“Studimi ynë tregon se megjithëse fëmijët me probleme të vazhdueshme të gjumit kanë dëmtimet më të mëdha, edhe ata me probleme më të pakta të gjumit me kalimin e kohës përjetojnë disa dëmtime psikosociale”.

Studiuesit ekzaminuan të dhënat që përfshin më shumë se 5000 pacientë.

Për të vlerësuar mirëqenien e fëmijëve, studiuesit u ndalën tek vetëkontrolli, sjellja dhe performanca akademike.

Nga hulumtimi i kryer, studiuesit zbuluan se fëmijët me probleme të vazhdueshme të gjumit kishin dëmtimet më të mëdha në të gjitha rezultatet, përveç në aftësitë e tyre të arsyetimit perceptues.

Sipas studimit, çështjet psikosociale si ankthi mund të çojnë në problemet e gjumit dhe anasjelltas./tvklan.al




Të ngjashme