Prokurorët votojnë 3 anëtarët e rinj të KLP - Tv Klan

Prokurorët votojnë 3 anëtarët e rinj të KLP


Prokurorët votojnë 3 anëtarët e rinj të KLP

15:33 15/10/2021

Prokurorët votuan sot 3 anëtarët e rinj të Këshillit të Lartë të Prokurorisë. Ata janë Sokol Stojani nga Prokuroria e Përgjithshme, Ludovik Dodaj nga Prokuroria e Apelit Durrës, Zeqir Hoda nga Prokuroria e Tiranës. Në Dhjetor mbaron mandati i Kostaq Belurit, Vatë Stakës dhe Eloida Goxhit.

Njoftimi: Tiranë, 15.10.2021. U zhvillua sot Mbledhja e Përgjithshme e Prokurorëve e shpallur nga Prokurori i Përgjithshëm bazuar në ligjin 115/2016 “Për organet e qeverisjes së sistemit të drejtësisë” për zgjedhjen e anëtarëve prokurorë në Këshillin e Lartë të Prokurorisë (KLP), për tre anëtarë. Sipas listës emërore të nënshkruar në mbledhje morën pjesë 209 prokurorë të të gjitha niveleve.

-Nga votimi për kandidatin prokuror të Prokurorisë së Përgjithshme komisioni shpalli fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë” kandidatin Sokol Stojani, i cili ka marë 195 vota, 14 vota ishin të pavlefshme.

-Nga votimi për kandidatin prokuror të prokurorive të Apelit komisioni shpalli fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë”kandidatin Ludovik Dodaj ka marë 192 vota, 17 vota ishin të pavlefshme.

-Nga votimi për kandidatin prokuror të prokurorive të shkallëve të para rezultoi se kandidati Zeqir Hoda ka marrë numrin me të lartë të votave dhe shpallet fitues në përputhje me nenin 115/5 të ligjit nr. 115/2016 “Për organet e qeverisjes së sistemit të drejtësisë”.

5 vota u shpallën të pavlefshme.








Të ngjashme