Protesta e ekipeve të Superligës


Protesta e ekipeve të Superligës

20:01 27/09/2020

Lojtarët i lexojnë kërkesat e Ligës së Futbollit

Ekipet e Superligës protestuan edhe këtë fundjavë duke u rreshtuar në fushë si reagim ndaj qeverisë që nuk po dëgjon kërkesat e Ligës Profesioniste të Futbollit. Kësaj here, së bashku me ta ishin edhe lojtarë të akademisë, një mesazh që nga kjo situatë e pësojnë edhe të rinjtë. Kapitenët kërkuan edhe një herë që të dëgjohet zëri i komunitetit të futbollit për një të ardhme më të mirë për sportin.

“Të gjithë së bashku duam që zëri ynë të dëgjohet për të siguruar një të ardhme sa më të mirë për lojën tonë të dashur, futbollin. Ne jemi të bindur që kërkesat drejtuar qeverisë janë rruga e shpëtimit për futbollin dhe sportin në përgjithësi”.

Këtë fundjavë ishte parashikuar të luheshin ndeshjet e xhiros së tretë të Superligës, por klubet protestojnë që të rishikohet ligji i sportit dhe i sponsorizimit. Liga Profesioniste e Futbollit i ka dërguar qeverisë kërkesat e argumentuara dhe është e vendosur të vijojë bojkotin deri sa të realizohen.

Tv Klan



Të ngjashme