Italianët kundër shtrirjes së dokumentit për të gjithë të punësuarit
Edhe këtë fundjavë, mijëra italianë protestuan kundër certifikatës së gjelbër, mospasja e të cilës po u ndalon atyre hyrjen në gjithnjë e më shumë ambiente.
Edhe pse gjithnjë e më të paktë në numër, manifestuesit kishin këtë fundjavë, një arsye më shumë për të protestuar, detyrimin e përdorimit të kësaj certifikate, nga 15 Tetori për të gjithë të punësuarit si në sektorin publik ashtu edhe në atë privat.
Megjithatë, sindikatat shprehen kategorikisht kundër propozimit që punonjësit e pavaksinuar t’i paguajnë vetë tamponët çdo 72 orë. Sipas sindikatave, punësimi nuk mund të bëhet me pagesë.
Protestat nuk i ndalën për të dhjetën fundjavë as parizienët. Arsyeja e radhës për të protestuar ishte detyrimi i përdorimit të certifikatës së gjelbër nga 30 shtatori edhe për fëmijët dhe adoleshentët 12 deri 17 vjeç.
Manifestime me thirrje kundër diktaturës dhe kufizimeve të lirive pati edhe në Beograd e Zagreb.
Tv Klan
