Protesta për Palestinën, procedohen nga policia disa persona



Protesta për Palestinën, procedohen nga policia disa persona

12:44 17/05/2021

Protesta pro Palestinës e zhvilluar të dielën në Tiranë u ka kushtuar procedim në gjendje të lirë 15 qytetarëve. Policia thotë se ka nisur hetimin ndaj tyre për “Organizim dhe pjesëmarrje në grumbullime e manifestime të paligjshme”, “Mosbindje ndaj urdhrit të punonjësit të policisë së rendit publik” dhe “Moszbatim të masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.

“Nga specialistët për Hetimin e Krimit në Komisariatin Nr. 3 filloi procedimi në gjendje të lirë, për veprat penale “Organizimi dhe pjesëmarrja në grumbullime e manifestime të paligjshme”, “Mosbindja ndaj urdhrit të punonjësit të policisë së rendit publik” dhe “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”, për shtetasit: E. S., 23 vjeç, B. L., 28 vjeç, A. B., 47 vjeç, A. D., 26 vjeç, F. B., 22 vjeç, E. Z., 44 vjeç, E. K., 35 vjeç, A. M., 21 vjeç, F. L., 27 vjeç, E. P., 23 vjeç, A. J., 53 vjeç, E. R., 48 vjeç, I. D., 36 vjeç, A. H., 36 vjeç dhe O. G., 31 vjeç”, thuhet në njoftim.  

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme./tvklan.al







Të ngjashme