Socialistët të hapur për ndërhyrje në Kodin Zgjedhor
Leximi që socialistët i bëjnë raportit të OSBE/ODIHR për zgjedhjet e 25 Prillit është pozitiv.
Për ta ky është dokumenti më pozitiv i dhënë për çdo proces zgjedhor të zhvilluar në vend.
“Është i qartë pa ekuivok vlerësimi më pozitiv. Meritë e padiskutueshme ju shkon qytetarëve”.
Sekretari organizativ i selisë rozë ndalet në 5 pika të raportit për të mbështetur vlerësimin e tij e që kanë të bëjnë me punën e KQZ, përfshirjes së teknologjisë, fushatë që ju dha mundësi palëve të shpalosnin ofertën politike pavarësisht masave të pandemise.
Fakti që për rastet e dyshuara të shit/blerjes së votës hetimet nisën zyrtarisht është për socialistët një zhvillim që ndodh për herë të parë në këto zgjedhje.
Shumica deklaron se është e hapur që t’i adresojë rekomandimet e misionit të ODIHR me ndërhyrje në Kodin Zgjedhor.
Tv Klan
