Pse ngrënia e mëngjesit të njëjtë çdo ditë mund të jetë e mirë për ju



Pse ngrënia e mëngjesit të njëjtë çdo ditë mund të jetë e mirë për ju

12:17 13/04/2021

“Një mollë në ditë e mban larg mjekun”, thonë të gjithë. Por, çfarë ndodh me një pjatë vezë ose një filxhan kos në mëngjes baza ditore? Mbushja e barkut tuaj me të njëjtën gjë çdo mëngjes mund t’ju bëjë një person më të mirë.

Më poshtë janë listuar disa informacione befasuese se si një tas me tërshërë çdo ditë mund të jetë hapi juaj i parë në shkallët e suksesit.

Do të keni më shumë kohë të lirë.

Sa minuta (ose ndoshta edhe orë) ju duhet të vendosni se çfarë të hani për mëngjes? Ndërsa mund të duket si pjesë e rutinës suaj të përditshme, vendosja se çfarë do hani, mund të marrë më tepër kohë sesa mendoni.

Kur hani të njëjtin mëngjes çdo ditë, ai do të vijë tek ju menjëherë ashtu si të vishni një uniformë. Ju nuk do të humbni kohë duke menduar ose vendosur, plus ju ndoshta do të jeni në gjendje ta përgatisni atë një natë më parë kështu që nuk do të keni nevojë të shqetësoheni çdo mëngjes.

Ju lejoni që truri juaj të mendojë për gjëra më të rëndësishme.

A keni menduar ndonjëherë pse Steve Jobs mbante gjithmonë një pulovër të zezë ose pse Mark Zuckerberg zakonisht është i fiksuar pas rrobave me ngjyrave gri? Sepse i bën ata më produktivë. Të mos mendosh se çfarë të veshësh gjatë ditës ose çfarë të hani për mëngjes lejon që mendja juaj të përqendrohet në gjërat më të rëndësishme dhe listën e gjërave që duhet të përmbushen gjatë ditës.

Trupit tuaj nuk i mungon asnjëherë doza e parë e lëndëve ushqyese.

Nëse mëngjesi juaj është një tas me tërshërë të bollshëm, një omëletë të thjeshtë ose një filxhan me fruta të freskëta, ju po i jepni energji trupit tuaj. Këta shembuj të mëngjeseve të mbushura me lëndë ushqyese janë një mënyrë e shkëlqyeshme për të filluar mëngjesin dhe ato mund t’ju ndihmojnë të jeni energjike gjatë një dite të ngarkuar me punë.

Ju mund të jeni në gjendje të hiqni disa kile.

Hulumtimet kanë zbuluar se ngrënia e të njëjtit ushqim çdo ditë në të vërtetë mund të ju ndihmojë të humbni peshë. Kur keni të njëjtën gjë çdo vakt, ju keni më shumë kontroll mbi atë që po vendosni në trupin tuaj, kështu që shmangni sheqerna dhe yndyrave, të cilat në fund të fundit mund të ulin marrjen e kalorive dhe rrisin peshën e trupit.

Shpenzimet tuaja të ushqimit do të jenë më të ulta.

Nëse mëngjesi është tërshërë me kos, ju duhet të shpenzoni vetëm për tërshërën, qumështi ose kosin dhe pak ëmbëltues. Të dini se çfarë do të hani çdo ditë të javës ju lejon të bëni një listë më të saktë të ushqimeve, e cila, sipas ekspertëve, është çelësi për të patur një buxhet të qëndrueshëm. /tvklan.al







Të ngjashme