PSG ka arritur të triumfojë në transfertë ndaj Bayern Munich me rezultat 3-2, në ndeshjen e parë të çerekfinales në Champions League.
Kjo sfidë dhuroi gola e raste të shumta nga të dyja skuadrat, ndërsa lojtari i ndeshjes për PSG-në ishte padyshim Kylian Mbappe, i cili shënoi dy herë, në minutën e 3’ dhe 68’, ndërsa një gol e shënoi edhe Marquinhos në minutën 28’, ndërsa për Bayernin autorët e golave ishin Maxim Choupo Moting dhe Thomas Muller.
Në këtë sfidë vendimtar ishte edhe portieri i PSG-së, Keylor Navas, për shkak se bëri nëntë pritje duke mos lejuar gjermanët të shënojnë më shumë gola edhe pse krijuan raste të shumta.
Ndërsa të Bayern më i miri në fushë ishte Joshua Kimmich, ndërsa lojtari më i dobët i takimit doli Manuel Neuer.
Kështu PSG ka arritur të marrë një fitore shumë të rëndësishme në ndeshjen parë, teksa shkojnë edhe më të sigurt në ndeshjen e kthimit që e luajnë në shtëpi.
Klan News