Këshilli i Sigurisë Kombëtare, diskutime për zgjatjen e emergjencës
Edhe pse ende nuk është saktësuar data, zgjedhjet e ardhshme në Maqedoninë e Veriut do të mbahen me kushte të veçanta. Por paraprakisht duhet të merret vendimi nëse do të vazhdohet situata e jashtëzakonshme në vend. Për të premten, Presidenti Pendarovski ka thirrur Këshillin e Sigurisë Kombëtare, ku duhet të merret vendimi.
Mbajtja e obligueshme e maskave, distanca fizike, dezinfektimi do të jenë të domosdoshme gjatë fushatës zgjedhore, por edhe në ditën e votimit. Gjithashtu rekomandohet që vendvotimet të jenë të hapura deri në orën 21:00.
“Protokolli del nga rekomandimet e përgjithshme për mbrojtje të qytetarëve nga COVID19 që momentalisht janë në fuqi. Anëtarët e Komisioneve zgjedhore, të gjithë vëzhguesit të akredituar e kanë patjetër që të mbajnë maska mbrojtëse dhe doreza”.
Siç njoftohet, Ministri Filipçe ka udhëtuar në Athinë për t’u koordinuar me homologun grek për kushtet e udhëtimit mes dy vendeve. Autoritetet në Maqedoninë e Veriut njoftojnë se takime të këtilla janë planifikuar edhe me vende tjera të rajonit.
Tv Klan
