Presidenti rus Vladimir Putin i kërkon homologut amerikan Barak Obama, uljen sëbashku në tryezën e bisedimeve për zgjidhjen e krizës ukrainase.
Lajmin e bëri të ditur Shtëpia e Bardhë përmes një deklarate për shtyp.
Kërkesën, Putin ia bëri Obamës gjatë një bisede telefonike.
Sipas Shtëpisë së Bardhë, gjatë bisedës u diskutua për planin amerikan për largimin e përforcimeve ushtarake ruse nga kufiri me Ukrainën.
U diskutua gjithashtu për tërheqjen e trupave ushtarake ruse nga Krimea, si dhe një plan që do të garantojë sigurinë e rusishtfolësve në këtë rajon.
R. Prifti
Putin e vuri edhe një herë theksin tek rreziku që përbëjnë ekstremistët e djathtë në Kiev, për sigurinë e Ukrainës dhe rusishtfolësve në këtë vend.
Sipas njoftimit të Shtëpisë së Bardhë, Obama nënvizoi se zgjidhja diplomatike është e vetmja rrugë për krizën ukrainase.
U diskutua gjithashtu edhe rreziku i shkëputjes së rajonit rusisht-folës Transdniestër nga Moldavia
