Forcat e ushtrisë në ndihmë të ekipeve zjarrfikëse
Pylli me pisha i Semanit në Fier po digjet prej 5 ditësh. Flakët nuk janë vënë ende nen kontroll për shkak të terrenit të vështirë, erës së fortë dhe temperaturave të larta.
Ekipet zjarrfikëse iu është bashkuar edhe ushtria, por situata nuk është stabilizuar ende. Ndihma nga ajri duket se nuk është më opsion.
Sipas zyrtarëve të bashkisë, janë djegur rreth 20 hektarë shkurre dhe bimësi, por fatmirësisht flakët nuk kanë djegur pishat dhe pemët e larta në pyll.
Ende nuk është e qartë nëse flakët nisën nga një zjarrvënie e qëllimshme, apo shkak është bërë pakujdesia e qytetarëve në një kohë me temperatura kaq të larta.
Tv Klan
