Pylli i Sodës, vend-grumbullim inertesh – TV KLAN

Pylli i Sodës, vend-grumbullim inertesh

Po shkatërrohet nga njeriu e natyra, por askush s’ndërhyn

I konsideruar si mushkëria e qytetit të Vlorës, Pylli i Sodës po shkatërrohet. Siç e shikoni, në disa pjesë të tij pemët janë rrëzuar dhe askush nuk shqetësohet për to.

Pylli i Sodës shtrihet përgjatë vijës bregdetare, në një sipërfaqe prej 750 hektarësh. Ambientalistët thonë se rënia e drurëve është fenomen natyror, por që kërkon ndërhyrjen e institucioneve për të bërë sistemin dhe mbjelljet e reja.

Po ashtu, krijimi i disa hot spoteve me mbetje në disa pjesë të pyllit është një tjetër problem.

Prania e mbetjeve në brendësi të pyllit e bën të pamundur qëndrimin aty, për shkak të erës së pakëndshme që krijohet. Specialistët e mjedisit kërkojnë që pushteti vendor të ndërhyjë menjëherë, pasi në këto kushte rrezikohet ekzistenca e këtij pylli.

Tv Klan

Kategori
AktualitetLajmet KryesoreTe funditTë gjithaVideo
0 Komente

Përgjigju

*

*