Mesfushori shqiptar hyn nga stoli në humbjen 2-1 përballë Lyon
Debutim për t’u harruar për Qazim Laçin në Ligue 1 franceze. Mesfushori i kombëtares shqiptare u aktivizua nga stoli në minutën e 89-të në humbjen që Ajaksio pësoi 2-1 përballë Lionit.
26-vjeçari hyri shumë vonë në lojë, duke mos arritur që të bëjë diferencën në fushë dhe të shmangë disfatën e ekipit të ngjitur këtë sezon në elitën e futbollit francez.
Lion tregoi se është i varur nga Aleksandër Lakazete, autor i asistit të Tete dhe golashënuesi që vulosi edhe fitoren e skuadrës në këtë përballje. Francezi shndërroi në gol penalltinë e fituar në minutën e 22-të, për të bërë të pavlefshëm golin e Mangani, që në fund rezultoi thjeshtë për statistikë.
Një fitore që e konfirmon Lionin si pretendente për titullin, ndërkaq, Ajaksio e nis me humbje në elitë, ku mungonte prej 8 vitesh.
Klan News
