Faktet janë befasuese në Xhakarta të Indonezisë. Qyteti po fundoset e toka “po jep shpirt”. Shkak është pesha e rëndë e ndërtesave të këtij qyteti me 10 milionë banorë.

Ekspertët ambientalistë paralajmërojnë se një e treta e qytetit do të jetë nën ujë deri në 2050 nëse ritmet aktuale nuk ndryshojnë. Dekada të tëra shfrytëzim i pakontrolluar dhe i tepruar i rezervave nëntokësore, rritja e nivelit të deteve dhe kushtet e luhatshme të motit bëjnë që pjesë të mëdha të qytetit të zhduken nën ujë.

Masat e marra kanë pasur pak rezultate ndaj autoritetet po ndërmarrin një hap drastik, vendit i duhet një kryeqytet tjetër. Dhe se kush do të jetë ai, do të njoftohet së shpejti.

Qyteti, sipas përllogaritjeve, po zhytet me 25 centimetra në vit në disa zona, dyfishi i mesatares globale për qytetet e mëdha bregdetare.

Xhakarta kthehet kështu në një nga qytetet që po mbytet më shpejt në botë dhe koha për të po mbaron shumë më shpejt nga sa mund të imagjinohet.

Klan Plus