Kryeministri ka akuzuar krerët e pushtetit lokal se nuk janë bashkëpunues me koordinatorët e platformës së bashkëqeverisjes dhe si pasojë edhe me qytetaret që përplasen në dyert e bashkive për problemet që hasin. Rama kërcënon se në takimin e radhës do të bëjë publik dhe emrat e kryebashkiakëve nëse shurdhëria e tyre ndaj lutjeve të koordinatorëve do të vijojë.
Ndërsa të zgjedhurit lokal i paralajmëron, për drejtoret e tij ne administrate shkarkimi është i menjëhershëm nëse konstatohet se ankesat e qytetareve në portalin “Shqipëria që duam” janë të drejta.
Në takimin e përjavshëm në kryeministri u prezantuan 4 raste të zgjidhura përmes platformës që aktualisht ka regjistruar rreth 12 mijë ankesa të ndryshme nga qytetarët.
Tv Klan
