Edi Rama mblodhi 61 kandidatet socialistë për kryetar bashkie dhe ju tha se duhet të nisin fushatën për zgjedhjet e 30 Qershorit, datë që sipas tij nuk preket. Më e rëndësishme se pjesëmarrja për Edi Ramën është mbarëvajtja e tyre.
Për ata që guxojnë të prekin ligjin duke penguar zgjedhësit të votojnë lajmëron se do të përfshihen në listën e zezë të BE dhe SHBA.
Për Edi Ramën zgjedhjet e 30 Qershorit janë të rëndësishme për politikën shqiptare për të kuptuar se nuk ka më marrëveshje që mund të shkelin dhe mbi Kushtetutën.
Tregon përse nuk funksioni marrëveshja e plotë 2 viteve më parë.
Dhe diversionin për të treguar se PD vazhdon ta drejtojë Sali Berisha e përsëriti disa herë në fjalën e tij.
Edi Rama mendon se socialistet kanë qenë gjithmonë ata që në politikën shqiptare i kanë hapur rrugën kundërshtarëve të tyre demokratë madje edhe me kosto të larta për ta.
Po aq sa zgjati pjesa e hapur për mediat zgjati dhe pjesa e mbyllur e takimit ku Rama i porositi kandidatet të ruajnë qetësinë në fushatë të mos provokohen.
Tv Klan
