Kryeministri Edi Rama ndodhet në Bruksel ditën e sotme. Ai është takuar me Përfaqësuesin e Lartë, Josep Borrell. Mësohet se delegacioni shqiptar është duke marrë pjesë në Këshillin e Stabilizim-Asociimit mes BE-së dhe Shqipërisë.
Rama shoqërohet nga ministrja e Jashtme Olta Xhaçka, kryenegociatori Zef Mazi dhe kreu i grupit parlamentar socialist, Taulant Balla.
“Po ndodh tashmë në Bruksel. Këshilli i 11 i Stabilizim-Asociimit mes BE-së dhe Shqipërisë, kryesuar nga Përfaqësuesi i Lartë Josep Borrell. Delegacioni shqiptar, i udhëhequr nga Edi Rama po merr pjesë për herë të partë në Këshillin e Stabilizim Asocimit që prej vendimit të KiE-së në Mars për të hapur negociatat me Shqipërinë”, shkruan Xhaçka.
Kryeministri Rama është takuar edhe me eurokomisionerin për zgjerimin dhe fqinjësinë e mirë, Oliver Varhelyi.
Delegacioni shqiptar ndodhet në Bruksel për të diskutuar për ecurinë e saj në integrimin europian, përdorimin e fondeve të BE-së për rindërtimin, por edhe krizën e pandemisë.
Po ashtu është parashikuar që, Rama të ketë një takim edhe me Presidenten e KE-së, Ursula Von der Leyen./tvklan.al
Happening now in #Bruxelles: The 11th #EU–#Albania Stabilisation and Association Council, chaired by HRVP @JosepBorrellF. The Albanian Delegation, led by PM @ediramaal, is participating in this first SAC since @EUCouncil 🇪🇺decision of March2020 to open accession negotiations w/🇦🇱 pic.twitter.com/Dzh0EGAMtG
— Olta Xhaçka🇦🇱 (@xhacka_olta) March 1, 2021