Rama paralajmëron intervistën e pazakontë në “Klanifornia”



Rama paralajmëron intervistën e pazakontë në “Klanifornia”

11:03 17/04/2021

Kryeministri Edi Rama do të jetë këtë të shtunë i ftuar në spektaklin e humorit Klanifornia në Tv Klan. Këtë herë, kreun e qeverisë do ta shohim ndryshe.

Ai do të vendoset përballë “Gilbert Fevziut” dhe do t’i përgjigjet pyetjeve pikante të “moderatorit” të Opinion.

Kryeministri është pritur në ambientet e Tv Klan nga “simpatizantët” e dy partive kryesore të luajtur nga aktorët Eglein Laknori, simpatizant i PD-së dhe Delinda Disha, simpatizante e PS-së.

“Gilbert Fevziu” (Albano Bogdo) e ka pritur Kryeministrin me këngë dhe i ka dhuruar një buqetë me lule.

Vetë kryeministri Edi Rama ka paralajmëruar këtë intervistë të pazakontë dhe plot humor përmes një postimi në rrjetet sociale. “Sot në mbrëmje me Fevziun e vërtetë”, shkruante ai.

Për më shumë mos e humbisni spektaklin e Klanifornia në orën 21:00 në ekranin e Tv Klan nën drejtimin e Marina Vjollca. /tvklan.al







Të ngjashme