Kryeministri Edi Rama ka hedhur poshtë akuzat se ka formuar partinë e re Bindja Demokratike, duke theksuar se është ish-kryeministri Sali Berisha pas futjes në zgjedhje të kësaj partie opozitare.
“
Unë paskam formuar Bindjen Demokratike? Pse e paskam formuar unë dhe jo Saliu? Ku ndryshon Astrit Patozi nga Saliu, ose nga Luli? Në një pikë vetëm. Luli bashkë me Saliun bënte aferat, Patozi i mbronte këtu në parlament. Astrit Patozin e ka futur Saliu në zgjedhje jo unë. Një çun në rrugë, një çun në zgjedhje dhe ta shikojmë ku do dalim. Zonjën Hajdari nuk e kam takuar asnjëherë deri më sot. Me Hajdarin po bëjnë të njëjtën gjë që bënë me të atin e saj sa herë u dilte në shesh. Unë e futa zonjën Hajdari në listën e PD? Unë i futa këta në lista? Unë vërtetë bashkëpunova me Bashën në atë kohë, por nuk kemi ndërhyrë në listat e njëri-tjetrit. Astrit Patozi më ka akuzuar se unë e kam hequr nga lista.
”
“
Unë skam asnjë lidhje me këtë punë dhe as nuk më intereson fare. Se sa merr dhe sa s’merr, një copë SHQUP-i e kemi në garë, një copë SHQUP-i e kemi në rrugë, ndryshimi i vetëm është se kjo copë SHQUP-i nuk e do Monikën.
”
Rama tha se PD dhe LSI kanë dalë në rrugë se nuk hyjnë dot në zgjedhje, se po të hyjnë, dalin ashtu siç hyjnë.
“
Kanë dalë në rrugë dhe thonë ju blini votat, ndërkohë që ne në vitin 2017, një problem kishim, si të ruajmë votat se do na i blejë fallxhorja. Për hir të së vërtetës nuk kemi pasur problem PD, por simotrën tonë LSI-në.
”
Të gjithë atyre që do të tentojnë të pengojnë zgjedhjet dhe prekin materialet zgjedhore, Rama u kujtoi ligjin dhe dënimet me burg.
“
Ku do i gjejnë Luli me Monikën budallenjtë që do të shkojnë pas Berihait dhe do të përballen me ligjin për të penguar shumicën e popullit që të zgjedhë? Unë nuk e di ku do i gjejnë, por ama gjatë kësaj kohe që të mos bëhet për budalla njeri, duhet ta mësojnë se pengimi i subjekteve zgjedhore, sipas ligjit të votuar në parlament kur shumicë ishte Sali Ramë Berisha dhe në pakicë ishte Edvin Kristaq Rama, dënohet 1 deri 5 vite burg.
” /tvklan.al