Kryeministri Edi Rama i ka dërguar sërish sot Presidentit të Republikës, Ilir Meta, dekretin për emërimin e Sandër Lleshit në postin e Ministrit të Brendshëm.
Në një postim në Twitter, Rama thotë se bashkëngjitur do t’i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm.
Sapo kam rifirmosur për ridërgim kërkesën për dekretimin e Sandër Lleshit Ministër i Brendshëm, drejtuar Presidentit të Republikës. Bashkëngjitur do t’i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm.
— Edi Rama (@ediramaal) November 9, 2018
Edhe një ditë më parë Rama u shpreh se nuk do tërhiqet nga beteja me kreun e shtetit dhe se do t’i japë edhe 7 ditë kohë Presidentit të reflektojë për kandidaturën e Lleshit që sipas kryeministrit i ka të gjitha atributet.
“
Do i japim mundësinë Presidentit që të futet në binarët e Kushtetutës dhe që ky precedent të mos krijohet më
” – ka theksuar kryeministri duke paralajmëruar dërgimin e çështjes në Gjykatën Kushtetuese që ajo ta shqyrtojë kur të jetë funksionale.
Tv Klan