Kryeministri Edi Rama ndodhet në Lezhë dhe ka vizituar atje disa nga shembujt e agroturizmit.

Kreu i qeverisë u bëri thirrje emigrantëve që të investojnë kursimet e tyre në agroturizëm.

Ai siguroi se nëse fitimet nuk do të jenë më të mëdha sesa puna në emigrim, atëherë borxhi do të jetë i tij.

“Këta janë shembuj që flasin me vepra dhe vepra e tyre ju tregon të gjithëve që kush do, kush ka ide, kush ka kurajo kush nuk ia përton punës, jo bën sukses në fshat, por bën art në fshat me prodhimet, traditën, historinë familjare, shtëpinë e vjetër të gjyshërve. Me këta në krah unë përsëris thirrjen për emigrantët që e kanë një lidhje në fshat, të investojnë kursimet aty dhe nëse nuk fitojnë më shumë në agroturizëm se nga puna e zakonshme atje ku janë atëherë borxhi është i imi dhe këtyre”, tha Rama./tvklan.al