“Do të çlirohen nga makthi i tatimorëve”

Heqja e TVSH-së për sipërmarrjet deri në 10 milionë xhiro vjetore dhe tatim fitimit për ato që xhiroja vjetore llogaritet deri në 14 milion lekë për qeverinë jo vetëm do të japë ndikim direkt në fitimet e bizneseve të kësaj kategorie, por do t’i çlirojë ata dhe nga “makthi” i tatimorëve.

Edi Rama: Si je, çfarë thonë akulloret?

Biznesmeni: Deri tani na kanë shkuar gjërat mirë.

Edi Rama: Kanë ardhur inspektorët të hanë akullore?

Biznesmeni: Për të ngrënë nuk kanë ngrënë, por për të ardhur kanë ardhur

Edi Rama: Tani nuk ka më inspektorë, se gjithë biznesi i vogël nuk do të ketë taksa dhe TVSH dhe inspektorë që të vijnë t’ju nxijnë jetën. Do të monitorohet vetëm paga, sigurimet shoqërore dhe shëndetësore të atyre që ke pas banakut. Do zoti i thërrisni pak mendjes t’ua rrisni pak rrogën.

Ashtu siç premtoi në fillim të kësaj jave Rama ka dalë vetë në terren për të folur me sipërmarresit për t’ju shpjeguar rëndësinë e marrjes së nismave lehtësuese për ta nga qeveria e tij në 7 vite.

Tv Klan