Parlamenti ka votuar me 78 vota dekretin e presidentit për marrjen e detyrës së ministrit të Jashtëm nga Kryeministri Rama dhe me 77 vota shkarkimin e Ditmir Bushatit nga ky post.

Vetë Rama pas votimit deklaroi se kjo ishte një lëvizje e detyruar nga shkelja e Kushtetutës nga Presidenti Meta dhe përsëriti se do t’i drejtohet Gjykatës Kushtetuese për interpretim sapo ajo të rinisë funksionimin.

Kabinetin e riformatuar të qeverisë kryedemokrati Basha në seancën e parë të këtij sesioni të ri parlamentar e cilësoi si dëshmi të fundit të pashmangshëm të Ramës dhe tha se ministrat e rinj i janë diktuar kryeministrit nga oligarkët.

Rama i’u përgjigj kryeopozitarit edhe pse ky i fundit pas fjalës në Kuvend la sallën sëbashku me deputetet e tij dhe LSI.

Kryeministri i kujtoi Bashës fillimet e tij në qeverinë e demokratëve.

Basha lajmëron se aksioni opozitar do të fokusohet tek drejtimi i kryengritjes popullore ndërsa Rama i akuzon pikërisht në 21 Janar se dhuna është filozofia e tyre drejtuese.

Tv Klan