Raporti: Banorët e prekur nga tërmeti në stres dhe ankth

Raporti: Banorët e prekur nga tërmeti në stres dhe ankth

15:40 15/12/2019

74 % e fëmijëve janë ende të frikësuar

Tërmeti i 26 Nëntorit që goditi vendin tonë ka shkaktuar frikë dhe ankth tek fëmijët. Sipas një raporti të World Vision Albania, rreth 74 % e fëmijëve që banonin në Durrës, Kurbin e lezhë janë ende të frikësuar dhe traumatizuar.

Por edhe prindërit e tyre kanë të njëjtat shqetësime. Rreth 81 % e të anketuarve thonë se kanë shenja të frikës, mungesë gjumi, nivelit të ulët të humorit dhe humbjes së oreksit. Shkalla më e lartë e këtyre simptomave (85.4%) raportohet në Bashkinë Kurbin.

Simptomat e shqetësimit dhe të traumës janë më të përhapura në popullatën që jeton në shtëpitë e tyre të dëmtuara (85.2%) dhe tendat (88.4%), krahasuar me ata që jetojnë në hotele (61.1%).

Rezultatet e raportit japin informacion për situatën e 2460 banorëve, mes tyre 951 fëmijë. Pesë fushat kryesore të anketimit lidhen me strehimin, shëndetin, të ardhurat, edukimin, aksesin në informacion dhe nevojën për ujë, ushqim dhe mbrojtje.

Tv Klan


Grupi
LAJMET
Të ngjashme
Grupi