Ambasadorja Amerikane Yuri Kim thotë se Reforma në Drejtësi po bën përpara, “edhe nëse të këqinjtë nuk e duan këtë”.
“SPAK po ndjek penalisht më shumë, po konfiskon pasuri & po çon kriminelët pas hekurave; Gjykata Kushtetuese po funksionon; Gjykata e Lartë po shqyrton çështje; vetingu po vazhdon. Inspektorët e BKH-së po trajnohen. Reforma në Drejtësi nuk është e lehtë, e shpejtë apo e përsosur, por po ecën përpara – edhe nëse të këqijtë nuk e duan këtë”, shkruan ajo në një postim në Twitter.
Reagimi i Kim vjen pas përzgjedhjes së 28 kandidatëve të parë për Byronë Kombëtare të Hetimit. Në një postim në rrjetet sociale, më herët edhe Ambasada Amerikane tha se SHBA-ja do ta mbështesë SPAK-un dhe ata që i përgjigjen thirrjes së detyrës për të luftuar korrupsionin dhe krimin e organizuar në emër të popullit shqiptar.
Një reagim pati edhe ambasadori i BE në vendin tonë, Luigi Soreca.
“Mirëpresim përfundimin e procesit të verifikimit të kandidatëve të parë për hetuesit e BKH. Urime grave dhe burrave që e përmbyllën me sukses! Tani do të fillojnë trajnimin e specializuar. E rëndësishme të bëhet një thirrje e dytë, menjëherë. Bashkimi Europian vazhdon të mbështesë SPAK”, tha Soreca./tvklan.al
(1/2) “SPAK po ndjek penalisht më shumë, po konfiskon pasuri & po çon kriminelët pas hekurave; Gjykata Kushtetuese po funksionon; Gjykata e Lartë po shqyrton çështje; vetingu po vazhdon… https://t.co/kk8c62gImF
— USEmbassyTirana (@USEmbassyTirana) April 2, 2021
We welcome the conclusion of the verification process for the first candidates for🇦🇱NBI investigators. Congratulations to the women and men who successfully completed it!They will now start specialised training.Important to launch a second call ASAP. EU🇪🇺continues to support SPAK
— Luigi Soreca🇪🇺 (@LSorecaEU) April 2, 2021