Soreca: Të arrihet marrëveshja deri më 31 Maj
Ambasadorja e Shteteve të Bashkuara të Amerikës në vendin tonë, Yuri Kim ka përshëndetur mbledhjen e radhës të Këshillit Politik për Reformën Zgjedhore. Në një postim në Twitter, ambasadorja përgëzon palët për progresin dhe u kërkon që të mos ndalen deri në arritjen e një marrëveshjeje brenda 31 Majit. Kim u kujton palëve se negociatë do të thotë se askush nuk do të mund të marrë gjithçka dëshiron.
“Më shumë progres sot, mbeten vetëm 2-3 çështje. Partitë duhet të punojnë përgjatë fundjavës për të arritur marrëveshjen deri më 31 Maj, ashtu siç premtuan (Duhet të rikuperojnë kohën e humbur nga Covid). Askush nuk do të mund të marrë çdo gjë që dëshiron-përkufizimi i negociatave. Jeni afër, mos ndaloni, mos zhgënjeni.
Mbledhja e radhës e Këshillit Politik për Reformën Zgjedhore përfundoi pa dakordësi, pasi palët ndahen në qëndrimet e tyre sa i përket përdorimit të teknologjisë në zgjedhje.
Opozita kërkon identifikim biometrik në të gjithë vendin, por maxhoranca propozon shtrirjen e tij në disa zona, mbështetur edhe në një opinion të bërë nga ODIHR-i.
More progress today, 2-3 issues remain. Parties should work through the weekend to reach agreement by MAY 31, as they promised (must make up for time lost to COVID). No one will get everything they want – definition of negotiaton. You are close – don’t rest, don’t disappoint 🇦🇱! https://t.co/kbUo1a7V66
— Ambassador Yuri Kim (@USAmbAlbania) May 29, 2020
Po ashtu, ka reaguar edhe ambasadori i BE në Shqipëri, Luigi Soreca, i cili shprehet ndër të tjera fton palët që të vazhdojnë punën me qëllim arritjen e një marrëveshjeje deri më 31 Maj.
“Është e rëndësishme që të bëhet përparim në Reformën Zgjedhore, në Këshillin Politik. Ne mirëpresim qëndrimin konstruktiv të marrë nga të gjitha palët dhe i ftojmë ata të vazhdojnë të punojnë me qëllim që të arrijnë një marrëveshje të përgjithshme deri më 31 Maj, duke lejuar Shqipërinë në ecjen para në procesin e integrimit në BE”. /tvklan.al
Important to make progress on #ElectoralReform in the Political Council. We welcome the constructive attitude taken by all sides and we invite them to continue working with a view to reaching an overall agreement by 31.5. Allowing 🇦🇱 to move forward on its 🇪🇺 accession process.
— Luigi Soreca🇪🇺 (@LSorecaEU) May 29, 2020