Lajme Arkiva – TV Klan 2000
Partia Demokratike, Lëvizja Reformatore, këtë herë është mbledhur të diskutojë mbi problemet energjetike. Shqetësimi më i fundit i tyre është ai që rëndon mbi të gjithë popullatën, orët e shtuara pa drita. Për këtë problem, krerët e reformatorëve, si shkaktarë kryesor shohin menaxhimin e keq të KESH-it.
Ferdinand Xhaferri:- “Afro 1.2 miliard metra kub ujë nuk kanë ditur të administrohen, ose më saktë janë derdhur pa destinacion. Brenda tre viteve të fundit struktura e KESH-it, ka ndryshuar katër herë. Gjë që vetëm drejtim kompetent nuk mund të afrojë dhe njëkohësisht KESH-i punon akoma me konceptin e emergjencës, për të trajtuar vetëm çështje të ditës dhe i mungon një strategji”.
Reformatorët kërkojnë debat parlamentar dhe kanë thirrur në interpelancë kryeministrin Meta./tvklan.al
Gazetare – Holta Zhiti
