Një vend parkimi u shit 1.3 milionë Dollarë
Shitet një vend parkimi në Hong Kong për 1,3 milionë Dollarë, bën me dije “BBC”, duke e bërë kështu ishullin, vendin me parkimet më të shtrenjta në botë.
Gjithçka është më e shtrenjtë në Hong Kong, për shkak të hapësirës së pakët, por shifra të tilla nuk ishin parë ndonjëherë. Në vitin 2019, një tjetër vend parkimi aty u shit për 969 mijë dollarë, por me sa duket ky rekord është thyer tashmë.
Vendi i parkimit i shitur ishte pranë një kompleksi godinash ultra-luksoze në zonën rezidenciale elitare “The Peak”, ku ndodhen edhe disa prej shtëpive më të shtrenjta në ishull.
Muajt e fundit, shifrat e apartamenteve dhe banesave janë rritur ndjeshëm. Në Maj, një shtëpi në këtë zonë u dha me qira me një çmim marramendës prej 210 mijë dollarësh në muaj.
Klan News
