Rikthehet futbolli europian

Sot luhen sfidat e para në La Liga, Bundesliga dhe Premier League

Emocionet e futbollit evropian rikthehen në mbrëmjen e sotme ku do të luhen sfidat e para në tri kampionate mjaft konkurruese.

Nderin për ta hapur sezonin 2021-2022 të kampionatit spanjoll do ta ketë sfida Valencia-Getafe që do të luhet në stadiumin “Mestaja” në orën 21:00.

Sfidë e veçantë kjo për trajnerin e ekipin Valencian, pasi do të ndeshet me ish-skuadrën e tij, të cilën e udhëhoqi drejt rezultateve më të larta të arritura ndonjëherë.

Ky sezon do të jetë shumë ndryshe për kampionatin spanjoll, pasi nuk do të luajnë Leo Mesi dhe Serxhio Ramos, ndërsa tifozët rikthehen në stadiume me pandeminë që vazhdon të jetë shqetësuese. Kampionët e Atletiko Madridit do të përballen më 15 Gusht në transfertë kundër Selta Vigos, ndërsa Barcelona pret Real Sociedadin. Real Madridi do të ndeshet në transfertë të shtunën kundër Alaveshit.

Bundesliga do të nisë me takimin Mynshen Glabah-Bajern në orën 20:30. Ndërkohë që sfidat e tjera të edicionit të 59 do të luhen të shtunën dhe të dielën.

Në orën 21:00 do të zhvillohet edhe sfida e parë e Premier Ligës midis Brentfordit dhe Arsenalit. Ndeshja më e fortë e javës së parë do të jetë të dielën midis Totenhemit dhe Mançester Sitit.

LA LIGA

Sot

Valencia – Getafe 21:00

E shtunë

Cadiz – Levante 19:30

Mallorca – Real Betis 19:30

Deportivo Alaves – Real Madrid 22:00

Osasuna – Espanyol 22:00

E diel

Celta Vigo – Atletico Madrid 17:30

Barcelona – Real Sociedad 20:00

Sevilla – Rayo Vallecano 22:15