Këngëtarja shqiptare me famë botërore, Rita Ora, ka rrëfyer për mediat britanike momentet e frikës që ka pasur për të ëmën kur ajo u diagnostikua me kancer.
Në një intervistë për The Sun, Rita ka thënë se sëmundja e nënës së saj, Vera, ka ndikuar shumë dhe tek ajo, pasi diagnostikimi me kancer ka qenë frika e saj më e madhe.
Këngëtarja ka thënë se gjithmonë ka menduar se mund të kishte dhe ajo kancer, por pas shumë analizave ka rezultuar se nuk ka asgjë.
“Unë kam bërë testin BRCA (testin e trashëgueshëm të kancerit të gjirit) dhe testin e gjenit dhe për fat të mirë, nuk e kam gjenin. Por gjithsesi unë sërish kontrollohem rregullisht.
Gjenetikisht, ne nuk kemi pasur ndonjë histori me kancer gjiri në familje përpara nënës sime, por ajo sërish u diagnostikua me të”, ka treguar Rita.
Tashmë ylli i muzikës pop është bërë një aktiviste kundër kancerit të gjirit dhe u bën thirrje të gjitha grave të kujdesën për veten e tyre./tvklan.al
