Rizoto me birrë

Posta

Rizoto me birrë

12:33 19/09/2019

Përbërësit:

390 gr oriz

200 gr djathë i grirë

200 ml birrë

100 ml ujë

80 ml pana

60 gr pançetë

20 ml vaj ulliri

3 patate

2 qepë

1 karotë

Hudhër

Majdanoz

Borzilok

Kripë

Piper

Përgatitja:

Në një tenxhere me pak vaj ulliri skuqim hudhrat, më pas shtojmë qepën, karotat dhe selinon. Më pas shtojmë në to kripë, piper dhe i përziejmë derisa të skuqen dhe shtojmë në to ujë. I lëmë të ziejnë për disa minuta derisa të përgatitet bulioni.

Në një tjetër tigan shtojmë pak vaj ulliri dhe skuqim hudhrën. Sapo vaji të aromatizohet i heqim nga tigani hudhrat dhe skuqim në të qepën dhe pak selino. Pasi të skuqen për pak shtojmë orizin dhe e përziejmë derisa të marrë ngjyrë të bardhë. Ngrohim në një tenxhere birrën dhe e shtojmë tek orizi. E përziejmë derisa të avullohet alkooli dhe shtojmë pançetën, patatet dhe dalëngadalë edhe bulion.

Disa prej fetave të pançetës i skuqim ne një tigan. Grijmë imët majdanozin dhe borzilokun dhe një pjesë e shtojmë në tiganin me rizoto. Pasi heqim nga soba rizoton shtojmë në të panën, djathin e grirë, domate, majdanoz, borzilok dhe e përziejmë derisa të bëhet kremoze. E vendosim në pjatë dhe mbi të vendosim edhe pak domate të prerë në kubikë dhe pançetë./tvklan.al


Reklama
LAJMET

Të ngjashme

Reklama
UKT
UKT

Grupi