Ekskluzive/U vra nga kunati, flet vajza e Enkeleda Çapokut: Si më vdiq mami në krahët e mi

Emisioni “Uniko” nga Spartak Koka në Klan Plus sjell ekskluzivisht rrëfimin e vajzës së Enkeleda Çapokut, 39-vjeçares që u vra nga kunati i saj më 9 Janar 2020 në zonën Paskuqanit.

Vajza 18-vjeçare S. Çapoku tregon mes lotësh se si e ka përjetuar atë natë. Ajo tregon se ishte në gjumë kur xhaxhai i saj, Erdeti, hyri me forcë në banesën e tyre dhe goditi me sende të forta gjyshen duke e lënë pa ndjenja, e më pas të ëmën e saj.

Sipas rrëfimit të vajzës, xhaxhai i saj godiste vazhdimisht Enkeledën me sende të forta dhe në fund i preu damarët, duke i shkaktuar vdekjen.

18-vjeçarja thotë se u zgjua nga gjumi pasi kishte përfunduar gjithçka, kur gjyshja u përmend dhe bërtiti për të kërkuar ndihmë.

Menjëherë shkoi tek e ëma që ishte e gjakosur. Ky ishte dhe momenti kur Enkeleda dha shpirt në krahët e vajzës së saj.

Lexo më shumë: Klikoni këtu

Xhaxhai i vrau të ëmën, 18-vjeçarja: Mami i dha lekë polices që ta mbronte

Vrasja e Paskuqanit mesnatën e 9 Janarit, tronditi mbarë opinionin publik. Enkeleda Çapoku u dhunua me sende të forta nga kunati i saj Erdet Çapoku, i cili tashmë ndodhet prapa hekurave.

Vajza e viktimës, 18-vjeçarja S. Çapoku, në rrëfimin ekskluziv për emisionin “Uniko” nga Spartak Koka në Klan Plus, tregon se ajo dhe mamaja e saj e ndjerë kishin shkuar në Komisariatin Nr.5 të policisë në Kamëz për të denoncuar Erdet Çapokun.

Gjatë intervistës, 18-vjeçarja thotë se e ëma e saj i kishte dhënë para në dorë oficeres së policisë gjyqësore në Komisariatin Nr.5, për ta mbrojtur nga kunati, pasi ndihej e kërcënuar prej tij.

Enkeleda kërkonte mbrojtje për shkak se Erdeti e përndiqte dhe e kërcënonte. Për këtë arsye, ajo e kishte kallëzuar.

Emisioni “Uniko” ka arritur të sigurojë kallëzimin që Enkeleda Çapoku kishte bërë ndaj kunatit. Ky kallëzim mban datën 19 Shtator 2019. Oficerët e policisë së Komisariatit Nr.5 në Kamëz e kishin referuar këtë denoncim për veprën penale të përndjekjes.

Lexo më shumë: Klikoni këtu

Vajza e Enkeleda Çapokut: Xhaxhai monstër që më vrau mamin, nuk pranonte lidhjen time me një djalë

S. Çapoku, vajza e të ndjerës Enkeleda Çapoku që mbeti e vrarë nga kunati i saj Erdet Çapoku më 9 Janar 2020, ka treguar të tjera detaje për veprimet e xhaxhait të saj.

Në një rrëfim ekskluziv për emisionin “Uniko” nga Spartak Koka në Klan Plus, 18-vjeçarja thotë se xhaxhai nuk pranonte as lidhjen e saj me një djalë.

Ajo shprehet se Erdet Çapoku nuk ishte dakord për lidhjen e mbesës së saj, për të cilin thotë se nuk kishte pse t’i jepte llogari xhaxhait.

Spartak Koka: Ju jeni 18 vjeç. Jeni e lidhur me një djalë. A e pranonte Erdeti këtë lidhjen tuaj? Dhe çfarë konflikti lindi në këtë pikë?

Lexo më shumë: Klikoni këtu

Dëshmia e kunatës: Telefonata që shqetësoi Enkeleda Çapokun para vrasjes

Enkeleda Çapoku, e cila u vra nga kunati Erdet Çapoku mesnatën e 9 Janarit në zonën e Paskuqanit, ka zhvilluar një bisedë telefonike me bashkëshortin e saj disa orë përpara krimit të rëndë.

Kunata e viktimës, Hajrie Fjolla, e cila ka qenë e ftuar në emisionin “Uniko” nga Spartak Koka në Klan Plus, ka rrëfyer se çfarë i kërkoi bashkëshorti Enkeledës.

Ajo thotë se Eltoni kërkonte që Enkeleda të tërhiqte kallëzimin që kishte bërë ndaj vëllait të tij, Erdetit, pasi nuk merrte dot leje nga burgu.

Lexo më shumë: Klikoni këtu

Rrëfimi i bashkëshortit: Nuk më jepnin leje nga burgu nëse Enkeleda nuk tërhiqte kallëzimin

Elton Çapoku, bashkëshorti i Enkeleda Çapokut që u vra nga kunati i saj Erdeti, ka folur në një lidhje telefonike për emisionin “Uniko” nga Spartak Koka në Klan Plus.

Eltoni fajëson instancat shtetëror që nuk morën masa të parandalonin vrasjen e gruas së tij, pasi Enkeleda kishte kallëzuar Erdetin.

Nga burgu i Fierit ku vuan dënimin për një vepër penale prej pothuajse 7 vitesh, bashkëshorti i Enkeledës rrëfen se nuk kishte mundur të merrte leje për shkak të kallëzimit që Enkeleda kishte bërë ndaj vëllait të tij.

Ai madje pohon se Drejtoria e Përgjithshme e Burgjeve nuk i kishte dhënë leje as të shkonte në varrimin e bashkëshortes, që mbeti e vrarë më 9 Janar në zonën e Paskuqanit.      

Lexo më shumë: Klikoni këtu

Klan Plus