Olimpistët i kënduan këngën “Gëzuar ditëlindjen”, por basketbollisti e feston në Shtator
Ylli i NBA-së Kevin Durant ka qenë viktima e një rrengu, që i gjithë delegacioni i olimpistëve të SHBA-së i bëri, ndërsa ata po përgatiteshin për të marshuar në ceremoninë e hapjes së Olimpiadës.
Për të kaluar kohën përpara se të parakalonin me flamurin e tyre, sportistët rrethuan basketbollistin e njohur dhe nisën t’i këndonin këngën tradicionale të urimit të ditëlindjes.
They got the entire US Olympic squad to sing Happy Birthday to KD…and his birthday isn’t for another 2 months 😭 @KDTrey5 pic.twitter.com/nVQZhnak24
— Guru (@DrGuru_) July 23, 2021
Durant u habit, pasi nuk e priste diçka të tillë, sepse ditëlindja e tij është në Shtator. Mimika që bëri u nda në rrjetet sociale dhe të shumtë ishin njerëzit që e komentonin dhe bënin shaka.
Shpejt u zbuluan edhe fajtorët. Shokët e ekipit kishin hapur fjalë sikur ishte ditëlindja e yllit të NBA-së, e që më pas solli edhe urimin nga i gjithë delegacioni.
Durant e ka fituar dy herë medaljen e artë në Olimpiadë dhe kërkon një të tretë me “Team USA” në basketboll.
Klan News