Rreziku tjetër që i kanoset Italisë pas pandemisë

Rreziku tjetër që i kanoset Italisë pas pandemisë

12:40 05/05/2020

Joshja nga paratë e Mafias në kohë krize

Teksa situata nga pandemia ende nuk është normalizuar, bandat e krimit të organizuar në Itali janë në kërkim për të bërë miliona.

Shumë italianë mendojnë se nuk kanë zgjidhje tjetër përveçse të pranojnë ndihmën që vjen prej tyre.

Në ishullin e Siçilisë, vëllai i një anëtari të një grupi mafioz po shpërndan ushqim për të varfërit në një lagje në Palermo.

Njerëzit më telefonojnë dhe thonë se fëmijët e tyre nuk kanë çfarë të hanë. Një grua e re po më telefonon çdo ditë. Ajo ka pesë fëmijë dhe nuk di si t’i ushqejë ata”.

Ai nuk e pranon që është vetë pjesë e mafias, por thotë se nëse të jesh mafioz do të thotë të ndihmosh njerëz, atëherë ai është krenar të jetë një mafioz.

Nicola Gratteri, një hetues antimafia dhe kreu i zyrës së prokurorit në Catanzaro, Kalabri, shprehet: “Qëllimi është të fitojnë besueshmëri dhe të futen si një alternativë për shtetin”.

Ekonomia e Italisë ka qenë në një situatë të keqe për vite me radhë, me papunësi të lartë dhe rritje të ngadaltë ekonomike.

Izolimi për shumë familje ka krijuar një sërë problemesh të mëdha. Por të pranosh edhe ndihmën më të vogël nga një mafioz është jashtëzakonisht e rrezikshme.

Enza Rando,  i cili punon për një organizatë antimafia shprehet se mafia nuk ka bërë kurrë asgjë nga bujaria. Ky koncept nuk ekziston për ta.

Ish-mafiozi sicilian, Gaspare Mutolo tregon se kjo është saktësisht mënyra se si dhe ai ka punuar.

Unë isha gjithmonë shumë i sjellshëm, shumë bujar. Kurrë nuk tregoja arsyen e vërtetë që fshihej pas veprimeve të mia. Por mos harroni, unë isha një kriminel që vrau më shumë se 20 njerëz“.

Mutolo foli për BBC nga një vendi i fshehtë, ku ai është nën mbrojtjen e policisë.

Kur fëmijët tuaj po qajnë sepse nuk ka ushqim në tryezë apo nëse biznesi po falimenton, ju nuk mendoni për pasojat që vijnë nga ndihma prej njerëzve të gabuar, thjesht mendoni për të mbijetuar. Ata janë shumë më të efektshëm se shteti, kur bëhet fjalë për të ndihmuar ata që kanë nevojë”, shprehet Mutolo.

Më tej, ai shton për BBC se qëllimi përfundimtar i mafias nuk është kurrë të fitojë para, por të marrë përsipër biznesin dhe ta përdorë atë për të pastruar para.

Nëse qeveria italiane nuk është në gjendje t’i ndihmojë këta njerëz, ata do të hidhen në krahët e mafias“, thotë Attilio Simeone, që është angazhuar në dhënien e ndihmave.

Ky është momenti më i favorshëm për mafian,” paralajmëroi Enza Rando.
Shumë individë besojnë se shitja e bizneseve të tyre tek mafia është opsioni i tyre i vetëm./tvklan.al

Të ngjashme

Grupi

Kallezo