Një avion është rrëzuar në Moskë! Mediat e huaja shkruajnë se për pasojë kanë humbur jetën 10 persona, mes tyre shefi i Wagner-it, Yevgeny Prigozhin.

BBC shkruan po ashtu se aksidenti ajror ndodhi në veri të Moskës në rajonin Tver dhe bëhet fjalë për një avion privat. Raportohet se banorët e këtij rajoni dëgjuan dy zhurma para përplasjes së avionit në tokë. Mësohet po ashtu se avioni po udhëtonte nga Moska për në Shën Petersburg, konfirmon TASS.

Pamjet e para të avionit:

Jo më larg se dje, 62 vjeçari publikoi një video ku shihej me një pushkë në dorë duke konfirmuar se ndodhej në një zonë të Afrikës.

“Jemi duke punuar. Temperatura është 50 gradë Celsius, ashtu siç e duam edhe ne. Wagner po kryen aksione zbulimi dhe njohjeje të terrenit, për ta bërë Rusinë edhe më të madhe në të gjitha kontinentet dhe Afrikën, më të lirë”, tha ai në mesazhin e tij.

Ky videomesazh ishte surprizë për të gjithë pasi thuhej se shefi i grupit famëkeq të mercenarëve po strehohej në Bjellorusi pas 24 Qershor, datë kur ai tentoi të marshojë drejt Moskës bashkë me forcat e tij.

Paraprakisht mediat e huaja shkruajnë se avioni me 10 persona në bord është rrëzuar nga forcat ruse.

Vdekja e Prigozhin, reagon “Shtëpia e Bardhë”: Nuk është habi…

Për lajmin ka reaguar dhe një zyrtare e lartë e Shtëpisë së Bardhë në SHBA.

Mediat e huaja raportojnë se zëdhënësja e Këshillit të Sigurisë Kombëtare në Amerikë Adrienne Ëatson ka thënë se nuk ka parë ende raportet zyrtare për rrëzimin e avionit me 10 persona në bord, megjithatë nëse kjo gjë konfirmohet nuk do të përbëntë habi.

“Nëse konfirmohet, askush nuk duhet të habitet”, tha ajo, duke shtuar: “Lufta katastrofike në Ukrainë çoi në marshimin e një ushtrie private drejt Moskës, dhe tani me sa duket tek kjo.”

Ajo deklaron po ashtu se Presidenti Joe Biden është informuar për ngjarjen.

Prigozhin, i cili e bëri ushtrinë e tij Wagner një forcë luftarake elitare në luftën kundër Ukrainës, por gjithashtu krijoi armiq në ushtrinë e rregullt ruse, ishte në listën e pasagjerëve të avionit, sipas mediave shtetërore ruse.

Përplasja erdhi dy muaj pasi ai e nisi Wagnerin në një marshim rebel drejt Moskës, duke synuar të largimin e Vladimit Putinit nga pushteti./tvklan.al