Shifra më e lartë në 23 vjet pasi politikat konservatore e bënë të vështirë për gratë që të kishin fëmijë
Gjermania përgjatë Marsit ka regjistruar rritje të lindshmërisë me gati 10%, shifra më e lartë në 23 vjet. Numri i lindjeve në Mars arriti në 65,903, rreth 5,900 më shumë se një vit më parë dhe kjo është hera e parë që shifra 65,000 u tejkalua që nga viti 1998.
Rritja vjen nëntë muaj pasi vala e parë e koronavirusit filloi të binte në Gjermani në Maj të vitit të kaluar dhe masat e para të bllokimit u lehtësuan.
Zyra e Statistikave ka bërë të ditur se nivelet e lindjeve ishin stabilizuar në vende si Spanja, Franca ose Belgjika që u goditën më shumë nga vala e parë e koronavirusit, ndërsa ato ishin rritur gjithashtu në Mars në vendet e tjera të Evropës, veçanërisht në Lindje.
Shumë vende kanë parë normat e lindjeve të tyre të bien gjatë krizës COVID-19. Lindjet në Kinë ranë 18% vitin e kaluar në nivelin më të ulët që nga 1961 dhe norma e lindjeve në SHBA ra 4% në më të dobtën që nga viti 1979.
Ekonomia më e madhe e Evropës dikur kishte një nga nivelet më të ulëta të lindshmërisë në rajon pasi normat dhe politikat konservatore shoqërore e bënë të vështirë për gratë që të kishin më shumë fëmijë, duke shtuar mungesën e fuqisë punëtore në Gjermani.
Kjo filloi të ndryshojë ndërsa Kancelarja Angela Merkel zgjeroi përfitimet prindërore dhe investimet e kujdesit për fëmijët nga 2005.
Klan News
