RUDINA – DEVIS XHERAHU DHE ERTEMIONA MEJDANI RREFEJNE DASHURINE E TYRE; “QELIZAT STAMINALE” NJE MENYRE SESI TE LUFTOJME SEMUNDJET GJATE JETES!

Emision: 13.06.2018

Të ftuar:

Devis Xherahu – Këngëtar
Ertemiona Mejdani – ish Miss Shqipëria 2009

E kemi parë shpesh në media teksa flet plot pasion për profesionin e tij apo promovon klipet e reja. Por sot Devis Xherahu ishte i ftuar në studion e “Rudina” në Tv Klan për të rrëfyer historinë e dashurisë me ish-Miss Shqipërinë, Ertemiona Mejdani.

Ata janë bashkë prej 7 vitesh, por ende nuk janë të fejuar apo martuar, edhe pse e kanë bërë prej kohësh publike lidhjen e tyre.

Gjatë emisionit çifti na tregoi se janë njohur gjatë xhirimeve të një prej klipeve të këngëtarit dhe se ka qenë Korça ajo që i ka bashkuar.

“Ne jemi prej 7 vitesh bashkë. Ne jemi të dy korçarë dhe ka qenë Korça ajo që na ka njohur. Unë kam qenë në një koncert në Korçë dhe pas performancës, në momentin që do largohesha takoj një shok të përbashkët tonin që ishte në tavolinë me Ertemionën. Kisha në plan një këngë dhe i thashë Ertemionës: “Nuk po të flas si mis, por si korçare. Dua që ta përfaqësosh ti këtë klip. Mendoje dhe më kthe përgjigje pas një jave”. Në rregull më tha Ertemiona. Pas këtij klipi unë dola shumë i kënaqur dhe e ftova edhe në një klip tjetër dhe më pas jemi lidhur. Ertemiona më ka pëlqyer sepse është si libër i hapur, është njeri që t’i thotë gjërat në sy. Unë kujtoj udhëtiminin tonë të parë bashkë, kemi qenë në Kostur dhe kemi kaluar shumë mirë”, tregoi Xherahu.

Ndërkohë Mejdani shtoi se edhe pse diferenca e moshës mes tyre është rreth 17 vite ata nuk e kanë patur aspak problem dhe se janë të lumtur bashkë.

“Unë u ndodha rastësisht në Korçë dhe Devi ishte një nga këngëtarët që vinte rrallë dhe duke qenë se ishte një koncert jo i zakonshëm në qytetin tonë, unë bashkë me shoqet e mia shkuam për ta dëgjuar. Pavarësisht se ne kemi shumë diferencë në moshë rreth 16-17 vjet, ne nuk e kemi ndjerë. Ajo që më bëri përshtypje tek Devi ishte ngjashmëria e madhe që kishim dhe kemi me njëri-tjetrin. Devi është shumë romantik dhe më bën shumë surpriza”, tha Mejdani.

Devis Xherahu dhe Ertemiona Mejdani janë ndër çiftet më të komentuar të showbizit shqiptar. Edhe pse janë bashkë prej 7 vitesh dhe kanë deklaruar që në fillim historinë e tyre të dashurisë, ata ende nuk janë martuar.

Por sot të ftuar në studion e “Rudina” në Tv Klan, këngëtari dhe ish-Miss Shqipëria zbuluan se po planifikojnë ceremoninë e martesës. Ata treguan se nuk do të bëjnë një dasmë tradicionale, por një festë me rrethin e tyre të ngushtë.

“Devi është natyrë klasike dhe i pëlqen dasma. Ndërsa unë jam larguar nga ky koncept dhe më intereson marrëdhënia jonë”, tha Mejdani.

Ishte Devisi ai që tregoi më tepër detaje teksa tha se do të kurorëzohen në kishë dhe pas dasmës do të shijojnë muajin e mjaltit në një nga vendet e Azisë.

“Ajo që ne do të bëjmë është një darkë e vogël në shtëpinë tonë. Një kurorëzim në kishë dhe më pas me makinë tek avioni dhe me pushime. Ertemionës i pëlqen Azia dhe ndoshta ai do të jetë destinacioni. Unë jam velur me ato ceremonitë e mëdha”, tha Xherahu.

Sokol Dedje – Përfaqësues i Future Health Biobank

Juri Kadriu – CEO i “Bio Ju”

Kategori
Rudina
0 Komente

Përgjigju

*

*






Emisione