Rudina – Emisioni 4 Qershor 2020



Rudina – Emisioni 4 Qershor 2020

18:39 04/06/2020

Stop abuzimeve seksuale/Lidhje direkte nga marshimi ne kryeqytet!

Rasti i fundit i abuzimit seksual ndaj një 15- vjeçareje nga roja e shkollës në periferi të Tiranës ka tronditur opinionin publik. Fatkeqësisht ngjarje të tilla po bëhen të përsëritura edhe brenda shkollave. Në rrjetet sociale janë të shumtë personat që i kanë dhënë mbështetje marshimit dhe që pritet të dalin në shesh kundër fenomenit të dhunës seksuale.

Në orën 16:00 nis Marshimi në sheshin ‘Nënë Tereza’ në kryeqytet: “T’i themi stop abuzimeve ndaj vajzave dhe grave! T’i themi stop mentalitetit që po na i vret për së gjalli vajzat! Të bëjmë thirrje për drejtësi për rastet e denoncuara dhe atyre të heshtura”.

Disa prej mbështetësve të marshimit të 4 qershorit në publikimet e tyre në Instagram: Aurela Gaçe, Dafina Zeqiri, Juliana Pasha, Rozana Radi, Argjentina Ramosaj, Soni Malaj, Oriola Marashi, Tayna, Enca, Ciljeta, Iva Tiço, Olti Curri, Estela Ujka, Aulona Musta, Fatma Haxhialiu, Fjodora Fjora, Blerina Bombaj, Ilda Bejleri, Odeta Banushi, Marçela Lati, Endrit Mërtiri, motrat Marina e Luana Vjollca, Aleks Seitaj, Alketa Vejsiu, Rudina Dembacaj, Megi Pojani etj.

Profili i nje pedofili!

Pedofili ka disa karakteristika të veçanta që psikoterapist dhe psikiatër kanë vënë shpesh herë në dukje, edhe pse ato janë thjesht tregues dhe nuk duhet të supozohet se individët me këto karakteristika janë pedofilë. Ama njohuria e tyre të shoqëruara me sjellje të dyshimtë mund të përdoret si një paralajmërim se dikush mund të jetë pedofil. Në shumicën e rasteve, pedofili rezulton të jetë dikush i njohur me fëmijën përmes shkollës ose një aktiviteti tjetër, si fqinji, mësuesi, trajneri apo edhe babysitter, por nuk mund të përjashtohen as anëtarët e familjes.

Shpesh pedofili është mashkull dhe mbi 30 vjeç.I vetëm ose me disa miq në grupmoshën e tij. Disa kanë sëmundje mendore, të tilla si një humor ose çrregullim personaliteti.Ata shpesh flasin ose trajtojnë fëmijët si të rriturit.Shumë pedofil shpesh preferojnë fëmijët pranë pubertetit që janë seksualisht të papërvojë, por kurioz për seksin.Pedofili shpesh kërkon fëmijë të turpshëm e të tërhequr, ose ata që vijnë nga shtëpi të trazuara Më pas ata i kushtojnë vëmendje me dhurata.

Pothuajse të gjithë pedofilët kanë një koleksion të pornografisë, të cilën ata mbrojnë me çdo kusht. Shumë prej tyre gjithashtu mbledhin “suvenire” nga viktimat e tyre. Ata rrallë hedhin poshtë pornografinë ose koleksionet e tyre për ndonjë arsye. Shumë prej tyre besojnë se ajo që po bëjnë nuk është e gabuar dhe që të kesh marrëdhënie seksuale me një fëmijë është në gjë “e shëndetshme” për fëmijën.

“Per femijerine e vjedhur”/ Marshimi ne kryeqytet!



Të ngjashme