Sa orë qëndruan të mbyllur emigrantët në kamionin frigoriferik

Posta

Sa orë qëndruan të mbyllur emigrantët në kamionin frigoriferik

10:10 25/10/2019

Mediat britanike zbardhin të tjera detaje për ngjarjen tronditëse të 39 emigrantëve të vdekur që u gjetën brenda një kamioni frigoriferik në zonën industriale të Essex.

Nga hetimet e deritanishme, mendohet që emigrantët kinezë kanë qëndruar për të paktën 10 orë të mbyllur brenda kamionit, nga momenti i mbërritjes në Belgjikë deri në destacion, që ishte Britania. Autoritetet belge thonë se 39 emigrantë ishin mbyllur të paktën sapo mbërritën në portin e Zeebrugge.

Kjo do të se deri në momentin që mbërritën në Britani të Madhe, ata kanë qëndruar në temperatura deri në -25 gradë Celsius për 10 orë ose më shumë. Policia britanike i ka përqëndruar hetimet në tre banda që veprojnë në Irlandën Veriore.

Kamioni frigoriferik ishte nisur nga Bullgaria, aty ku ka selinë kompania irlandeze e transportit të mallrave. Por ajo që nuk dihet ende, është se kur emigrantët kinezë u futën në kamion. Zyrtarë të sigurisë së portit kanë thënë për mediat britanike se një kamion i tillë frigoriferik, është i pamundur që të zbulohet nga kamerat termike se çfarë përmban.

Kjo për shkak të temperaturës së ulët. Sipas tyre, kontrabandistët e kanë ditur këtë fakt dhe kjo është arsyeja përse kanë përdorur kamion frigoriferik. Madje, ata shprehen se një kamion i tillë, që është i izoluar hermetikisht, edhe nëse nuk vë në punë frigoriferin, personat që qëndrojnë për një kohë të gjatë brenda, asfiksohen nga mungesa e ajrit.

Trupat e pajetë të 39 emigrantëve kinezë u gjetën brenda kamionit frigoriferik në zonën industriale të Essex në Angli dy ditë më parë. Deri tani, i arrestuari i vetëm është shoferi 25-vjeçari. /tvklan.al


Reklama
Grupi
LAJMET

Të ngjashme

Reklama
UKT
Grupi
UKT