Lajme Arkiva – TV Klan 2000
Fushata elektorale e partive politike në Kosovë, ka hyrë në fazën e saj më të nxehtë. Përfaqësuesit e partive të ndryshme politike kanë shtrirë këtë fushatë në të gjithë Kosovën. Ndërsa OSBE ka vazhduar punën e saj, jo vetëm si monitoruese, por edhe si ligjvënëse. Këtë herë KFOR, UMNIK dhe OSBE, kanë ndaluar zhvillimin e mitingjeve të ndryshme për arsye sigurie.
Vetë përfaqësuesi numër 1 i OSBE-së për zgjedhjet lokale të 28 Tetorit, Xhef Fisher në Kosovë, thotë se është i kënaqur me mënyrën se si po ecën fushata, duke shtuar se partitë i kanë respektuar vendimet e marra. Ndërkaq Komisioni Qendror i Zgjedhjeve, i ka tërhequr vëmendje edhe disa partive për përfshirjen e fëmijëve në mitingjet elektorale./tvklan.al
