“Sanremo Giovani” më 22 Shtator në Tiranë, Veliaj fton qytetarët në sheshin “Italia”: Plot artistë italianë dhe shqiptarë
09:50 20/09/2023
Tirana do të mikpresë më 22 Shtator “SANREMO GIOVANI”, një projekt muzikor i cili udhëton në mbarë botën dhe ka zgjedhur kryeqytetin shqiptar si destinacionin e parë.
Kryetari i Bashkisë së Tiranës Erion Veliaj fton qytetarët që të bëhen pjesë e këtij spektakli në sheshin “Italia”, ku hyrja do të jetë e lirë.
“Mirëpresim këtë 22 Shtator SANREMO GIOVANI. – Një projekt muzikor i cili udhëton në mbarë botën dhe ka zgjedhur TIRANËN si destinacionin e parë. Ky koncert MADHËSHTOR vjen me pjesëmarrjen e plot artistëve të rinj italianë si edhe yjet e muzikës shqiptare Marsela Çibukaj, MC Kresha dhe Lyrical Son. HYRJA E LIRË”, thekson Veliaj./tvklan.al