Shefi i Facebook ka thënë se 2018 ka qenë një vit intensiv për kompaninë e tij. Por Mark Zuckerberg gjithashtu shfrytëzoi mundësinë për të zbuluar një shërbim të ri, i cili mundëson njohje të reja, në konferencën vjetore të kompanisë së tij në San Jose, Kaliforni.
Ai i tha audiencës së tij se ky shërbim i ri do të merrte parasysh çështjet e privatësisë dhe se do të prezantohet së shpejti. Kompania nuk mund të përballojë një skandal tjetër privatësie pasi vazhdon të jetë e përfshirë në aferën e Cambridge Analytica.
“Ka 200 milionë njerëz në Facebook që deklarojnë se janë beqarë”
, tha Zuckerberg.
“Dhe nëse ne përkushtohemi për të ndërtuar marrëdhënie kuptimplota, atëherë kjo të ishte më e mira për të gjith
ë”.
Facebook është përballur me kritika të ashpra që kur rezultoi se kompania kishte dështuar të verifikonte nëse konsulenca politike Cambridge Analytica kishte fshirë të dhënat e mbledhura për miliona përdorues të saj.
Zuckerberg tha se kjo ishte një “shkelje e madhe e besimit” që nuk duhet të ndodhë më./tvklan.al
