Sfida që rrëmbeu vëmendjen: Gjeji vetes një grua që mund t’i bëjë të gjitha

Sfida që rrëmbeu vëmendjen: Gjeji vetes një grua që mund t’i bëjë të gjitha

19:04 27/01/2020

Emisioni “Rudina” në Tv Klan e vendosi sot vëmendjen tek sfida e cila ka rrëmbyer vëmendjen e të gjithëve. Bëhet fjalë për sfidën “Dolly Parton Challenge’, ku personazhe të njohur të ekranit kanë realizuar kolazhe fotosh. 

Sfidën e ka nisur legjenda e televizionit amerikan Dolly Parton, e cila ka postuar një grup fotosh të sajat dhe ka realizuar kolazhin tashmë të famshëm, me citimin:  “Get you a woman who can do it all”, që do të thotë “Gjeji vetes një grua që mund t’i bëjë të gjitha”.

Ajo ishte e para që nisi këtë trend të ri, ku gratë e projektojnë veten në versione të ndryshme në varësi të rrjeteve sociale.

‘Dolly Parton Challenge’ nisi afërsisht përpara 1 jave dhe aktualisht ka më shumë se 80 mijë postime nën hashtagun e saj në ‘Instagram’.

Nisur nga kjo sfidë, në studio është diskutuar tema e feminizmit. A mund t’i bëjë një grua të gjitha? A është më shoqëria jonë aq maskiliste sa dikur? Si janë raportet sot mes një burri dhe një gruaje? Dhe cili është roli i saj në shoqërinë moderne?

Për të diskutuar për këto çështje, të ftuar në studio ishin konsulentja Jerina Lalaj, gazetarja Zhaklin Lekatari, aktivistja e shoqërisë civile Sevim Arbana dhe aktorja Ema Andrea.

Zhaklin Lekatari: Më pëlqeu se është ngacmuese. Dolly Parton edhe njëherë ka dashur të krijojë një debat ku gratë ndahen në disa pjesë, por prapë ja dalin t’i realizojnë të gjitha. Doja dhe unë të tregoja 4 Zhaklina të ndryshme, ose 4 mënyra të ndryshme. Dhe është e vërtetë që ne jemi të ndryshëm, në rrjete sociale të ndryshme. Sfida më bëri të mendoj që është e vërtetë në Facebook postoj gjëra që janë në lidhje me profesionin, shoqërinë, familjen. Në Instagram mundohem të shfaq veten time në të gjitha ngjyrat, ndërsa në Linkedin mundohem të jem pak më serioze, por Tinder nuk kam, nëse do kisha do ishin foto të tilla.

Sevim Arbana: Jemi praktike. Natyra e femrës është të përshatet, të manovrojë, të kapërcejë gjithë ato sfida që vetë të qenit grua, të qenit nënë, të qenit bashkëshorte, ja bën patjetër. Ose do çmendeshim, ose do binim në depresion, ose do ia dilnim. Ka disa rrugë dhe besoj ky është dhe mesazhi i aktores së madhe. Pastaj rrugës si ti zgjedh për të promoviuar veten, për të dhënë mesazhet, janë nga më të ndryshmet. Vetëm nga një foto që ajo nxjerr, jep një mesazh shumë të madh që është, që gratë ja dalin në të gjitha situatat. /tvklan.al




Grupi
LAJMET
Të ngjashme


Grupi